Heimssafn - Sjóður 12
Á meðan reglur Seðlabanka Íslands um gjaldeyrismál heimila ekki fjárfestingar í fjármálagerningum í erlendri mynt geta fjárfestar eingöngu fjárfest í fjármálagerningum í erlendri mynt ef um endurfjárfestingu er að ræða, sjá nánar í reglum um gjaldeyrismál á vef Seðlabanka Íslands. Bent er á Eigna- og Lífeyrisþjónustu VÍB, í síma 440 4900 fyrir frekari upplýsingar.
Sjóðasjóður
Sjóðasjóður sem fjárfestir í erlendum hlutabréfum.
Markmið sjóðsins
Heimssafn Íslandssjóða er sjóðasjóður (e. fund of funds) sem hefur það markmið að skila fjárfestum góðri ávöxtun til langs tíma með fjárfestingum í erlendum hlutabréfasjóðum.
Fyrir hvern er sjóðurinn?
Heimssafnið hentar fjárfestum sem vilja ávaxta fé til langs tíma og þola miklar verðsveiflur í von um hærri ávöxtun yfir lengra tímabil. Mælt er með því að Heimssafnið sé hluti af dreifðu eignasafni. Eignir sjóðsins eru í erlendum gjaldmiðlum, þ.a. fjárfestingunni fylgir einnig gengisáhætta. Heimssafnið hentar vel þeim sem vilja áhættudreifingu með fjárfestingu í safni hlutabréfasjóða, sem valið er saman af sérfræðingum og vandlega vaktað.
Fjárfestingarmarkmið
Eignir sjóðsins eru ávaxtaðar með fjárfestingum í hlutabréfasjóðum sem fjárfesta í hlutabréfum á alþjóðlegum mörkuðum, og uppfylla skilyrði laga um verðbréfasjóði (UCITS-sjóðir).
Stefna sjóðsins er að fjárfesta í hlutabréfasjóðum sem hafa náð góðum árangri í fjárfestingum sínum með gegnsærri og agaðri fjárfestingarstefnu. Eign sjóðsins í einstökum verðbréfasjóðum má að hámarki nema 20% af heildareignum. Sjóðnum er óheimilt að fjárfesta í einstökum verðbréfasjóðum sem fjárfesta meira en 10% af eignum sínum í hlutdeildarskírteinum annarra verðbréfasjóða.
Jafnan skal sjóðurinn vera fullfjárfestur í hlutabréfasjóðum og hlutabréfum, en sjóðnum er þó heimilt að fjárfesta allt að 10% í skuldabréfum og víxlum til skamms tíma eða eiga laust fé til að mæta innlausnum. Stefnt er að því að ná hærri ávöxtun en heimsvísitala Morgan Stanley Capital International.
Almennur fyrirvari
Fjárfestingu í sjóðum fylgir ávallt fjárhagsleg áhætta. Eignarhlutdeild í verðbréfa- eða fjárfestingarsjóði getur rýrnað, aukist eða staðið í stað og ber m.a. að hafa í huga áhættu vegna efnahagsástands, alþjóðlegra fjárfestinga auk gengisflökts gjaldmiðla þegar eignir sjóðs eru í erlendum gjaldmiðlum. Bent skal á að ávöxtun í fortíð er hvorki vísbending um né trygging fyrir ávöxtun í framtíð. Fjárfestingarmarkmið og fjárhagsstaða fjárfesta eru mismunandi. Þeim aðilum sem hafa hug á viðskiptum er bent á að leita sér sérfræðilegrar ráðgjafar og kynna sér vel hina ýmsu fjárfestingakosti sem í boði eru. Fjárfestar eru hvattir til að kynna sér útboðslýsingar sjóða, sérstaklega umfjöllun um áhættur. Athygli skal vakin á að áhætta af fjárfestingu eykst samfara fjármögnun fjárfestingarinnar með lánsfé.
Tekið skal fram að umfjöllun þessi er aðeins birt í upplýsingaskyni og skal því ekki litið á hana sem ráðleggingu/ráðgjöf um að ráðast eða ráðast ekki í tiltekna fjárfestingu eða tilboð um að kaupa, selja eða skrá sig fyrir tilteknum fjármálagerningum.
Gengisþróun og ávöxtun
Í línuriti gengisþróunar er birt gengi viðkomandi sjóðs sl. eitt ár. Nafnávöxtun tímabila sem eru styttri en eitt ár er ekki reiknuð upp á ársgrundvöll heldur er þar um gengisbreytingu að ræða. Nafnávöxtun tímabila sem ná yfir eitt ár og lengur er reiknuð yfir á ársgrundvöll. Uppreikningur ávöxtunar miðast ávallt við síðasta skráða gengi og er í grunnmynt hvers sjóðs.
Fjárfesting í afleiðum
Sjóðum er heimilt að nota afleiður til að fastsetja hagnað eða til að draga úr áhættu, eða til að festa verð á verðbréfum vegna fyrirsjáanlegra innlausna eða til að bregðast við markaðsaðstæðum, enda sé það hluti af fjárfestingarstefnu sjóðsins. Fjárfestum er bent á að kynna sér nánari útskýringar á beitingu afleiðna sem er að finna í útboðslýsingu viðkomandi sjóða.
Skattlagning
Um skattlagningu hagnaðar af hlutdeildarskírteinum gilda lög um tekjuskatt nr. 90/2003, lög um fjármagnstekjuskatt nr. 94/1996 ásamt lögum um staðgreiðslu opinberra gjalda nr. 45/1987. Frekari skattlagning getur þó komið til. Vakin skal athygli á því að skattameðferðin ræðst af aðstæðum hvers viðskiptavinar fyrir sig og getur tekið breytingum í framtíðinni. Um erlenda aðila gilda reglur þess ríkis sem viðkomandi hefur skattalegt heimilisfesti í. Fjárfestum er ráðlagt að leita sér ráðgjafar og/eða upplýsinga um skattaleg áhrif þess að fjárfesta í sjóðum.
Gengisþróun & ávöxtun
Almennar upplýsingar
| Ítarefni | |
|---|---|
| Upplýsingablað | |
| Ávöxtunarblað sjóða | |
| Útboðslýsing sjóðsins | |
| Útdráttur úr útboðslýsingu | |
| Ársreikn. Íslandssjóða hf. | |
| Vaxta- og verðskrá verðbréfaþjónustu | |
| Almennt | |
| Stofnár | 1999 |
| Grunnmynt | ISK |
| Lágm.kaup/áskr. | 10.000 kr./5.000 kr. |
| Rekstraraðili | Íslandssjóðir hf. |
| Vörsluaðili | Íslandsbanki hf. |
| Fjárfestingarteymi | Ármann Einarsson, sjóðstjóri Sigurður G. Guðjónsson, safnastjóri Loftur Ólafsson, sérfræðingur |
| Þóknanir | |
| Kostn. við kaup/áskrift | 2,0%/1,5% |
| Árl. umsj.laun* | 1,5% + árangurstengt |
| Afgreiðslugjald | skv. verðskrá söluaðila |
| Viðskiptapantanir | |
| Kaup/innlausn | 3 viðsk.dagar (T+3) |
| Viðmiðunartími | kl. 15:00 |
| *Verði árangur við ávöxtun Heimssafns umfram viðmiðunarvísitölu reiknast 10% af þeim árangri sem árangurstengd umsjónarlaun að teknu tilliti til stærðar sjóðsdeildar í hverjum mánuði. | |