Ávinningur fjármálaviðtals
Fjármálaviðtal Íslandsbanka veitir þér góða yfirsýn yfir fjármál heimilisins, getur mögulega sparað peninga og hugsanlega komið í veg fyrir greiðsluerfiðleika.
Einnig eru fjölmörg úrræði í boði fyrir þá sem eru þegar komnir í greiðsluvanda
Í fjármálaviðtalinu munum við leita svara við eftirfarandi spurningum
- Hvernig lítur efnahagur heimilisins út?
- Er möguleiki að hagræða?
- Er greiðslubyrði viðráðanleg?
- Er svigrúm til sparnaðar?
Eignir og skuldir
Í Fjármálaviðtalinu er farið yfir efnahag heimilisins með tilliti til eigna og skulda. Verðmæti eigna og skulda getur breyst mjög mikið eftir efnahagsástandinu í þjóðfélaginu. Sú staða getur komið upp að eignir lækka tímabundið í verði án þess að skuldir lækki samhliða og því er mikilvægt að fylgjast með þróuninni.Eignir geta m.a. verið:
- Bifreiðar
- Fasteignir
- Innlán
- Verðbréf
Skuldir geta m.a. verið:
- Bílalán
- Húsnæðislán
- Neyslulán
- Yfirdráttur
Rekstur heimilisins
Næsta skref er að skoða tekjur og gjöld heimilisins. Hvert heimili hefur ákveðið inn- og útstreymi af peningum. Það er nauðsynlegt að skoða þetta fjárstreymi til þess að gera sér grein fyrir hvort eitthvað mætti betur fara. Í framhaldinu er útbúið stöðumat og gefnar leiðbeiningar um hvernig er gott að halda utan um heimilisbókhaldið. Þannig fæst betri sýn yfir rekstur heimilisins og það leiðir til betri ákvarðanatöku.
- Tekju- og kostnaðaráætlun
- Markmiðasetning
- Uppbygging sparnaðar
Lánasamsetning
Lán eru misjöfn eins og þau eru mörg. Lán geta orðið hagstæðari eða óhagstæðari með tímanum eftir því sem aðstæður á fjármálamörkuðum breytast, s.s. gengi krónunnar. Þess vegna er mikilvægt að skoða stöðu lána og meta þau reglulega.
- Er hægt að skuldbreyta óhagstæðu láni?
- Er hægt að taka nýtt lán?
- Er hægt að borga upp óhagstæðar skammtímaskuldir?
Fyrirvari
Athugið að ekki er um að ræða rekstrar- eða skattaráðgjöf af hálfu bankans eða starfsmanna hans.
Íslandsbanki áskilur sér rétt til að synja umsókn um fjármálaviðtal. Ástæður synjunar geta verið af ýmsum toga.