Frétt
ÍSLANDSBANKI: Aðalfundur Íslandsbanka
Aðalfundur Íslandsbanka var haldinn í dag, miðvikudaginn 2. apríl. Friðrik Sophusson, formaður stjórnar, flutti skýrslu stjórnar og Birna Einarsdóttir, bankastjóri, fór yfir uppgjör bankans og helstu þætti í starfsemi hans á árinu 2013. Samhliða var gefin út Ársskýrsla fyrir árið 2013.Helstu niðurstöður Aðalfundar
Engar breytingar voru á aðalstjórn bankans frá fyrra ári, en varamönnum var fjölgað um einn og tók þar sæti Svana Helen Björnsdóttir. Þá samþykkti fundurinn að greiða 4,0 milljarða króna í arð til hluthafa bankans vegna rekstrarársins 2013. Á fundinum var einnig samþykkt að Deloitte ehf. verði endurskoðunarfélag bankans til eins árs. Engin breyting var gerð á þóknunum til stjórnarmanna á aðalfundinum og þá var samþykkt að starfskjarastefna bankans yrði óbreytt frá fyrra ári.
Hægt er að nálgast Ársskýrslu, Áhættuskýrslu og önnur gögn á vef fjárfestatengsla Íslandsbanka, www.islandsbanki.is/ir.
Nánari upplýsingar veita:
• Fjárfestatengill – Tinna Molphy, tinna.molphy@islandsbanki.is og í síma 440 3187.
• Upplýsingafulltrúi - Dögg Hjaltalín, dogg.hjaltalin@islandsbanki.is og í síma 440 3925.
Fannst þér efnið á síðunni hjálplegt?