Frétt
Íslandsbanki lýkur víxlaútboði
Íslandsbanki hf. lauk í dag útboði á tveimur víxlum til 5 og 6 mánaða. Hvor flokkur getur að hámarki orðið 1,5 ma. kr. að nafnvirði. Útboðinu var þannig háttað að boðið var í magn á fyrirfram ákveðnu verði. 5 mánaða víxillinn á 6,15% flötum vöxtum (verð: 97,4528) og 6 mánaða víxillinn á 6,20% flötum vöxtum (verð: 96,9770).
Tilboðum var tekið í 5 mánaða víxilinn að fjárhæð 1,5 ma. kr. að nafnvirði og að fjárhæð 1,5 ma. kr. í 6 mánaða víxilinn. Alls eru útistandandi víxlar Íslandsbanka að fjárhæð 10,45 ma. kr.
Bréfin voru seld til breiðs hóps fjárfesta. Stefnt er að töku víxlanna til viðskipta í Nasdaq OMX Iceland þann 20. september næstkomandi.
Fannst þér efnið á síðunni hjálplegt?