Frétt
300 milljóna sænskra krónu stækkun á fyrstu erlendu skuldabréfaútgáfunni frá í desember
Íslandsbanki hefur stækkað fyrstu erlendu skuldabréfaútgáfu sína að upphæð 300 m. sænskra króna, sem er á gjalddaga 16. desember 2017.Heildarstærð flokksins er nú 800 m. Sænskar krónur. Skuldabréfin voru seld til norrænafjárfesta á verðinu 102,45, sem samsvarar 330 punktum ofan á sænska millibankavexti (Stibor) eða 70 punktum lægri en útgáfan í desember. Aðgengi að erlendum fjármagnsmörkuðum og aukið sjálfstæði í fjármögnun tryggir bankanum samkeppnisforskot til lengri tíma.
Stefnt er að skráningu skuldabréfanna í Kauphöllina á Írlandi þann 12. mars.
Útgáfan er gefin út undir Global Medium Term Notes (GMTN) útgáfuramma bankans sem gefur Íslandsbanka færi á að gefa út jafnvirði 250 m. Bandaríkjadala.
Umsjónaraðili útboðsins var Pareto Securities AB í Stokkhólmi.
Fannst þér efnið á síðunni hjálplegt?