Slitum lokið á Sjóðum 1A, 1B, 11A, 11B og Fyrirtækjasjóðnum

26.06.2019

Miðvikudaginn 26. júní var framkvæmd útgreiðsla úr Sjóðum 1A, 1B, 11A, 11B og Fyrirtækjasjóðnum sem eru í slitaferli hjá Íslandssjóðum. Um er að ræða lokaútgreiðslu úr sjóðunum og er slitameðferð þeirra nú formlega lokið. Endurheimtarhlutföll m.v. eignastöðu sjóðanna 3. október 2008, við upphaf slitameðferðar, má sjá í eftirfarandi töflu.

Heildarendurheimtarhlutföll

 

Sjóður 1A

69,1%

Sjóður 1B

66,0%

Sjóður 1B*

67,6%

Sjóður 11A

89,7%

Sjóður 11B

82,6%

Sjóður 11B*

85,7%

Fyrirtækjasjóðurinn

66,0%

* Þeir sem komu inn 1.9.2009

 

Um er að ræða þrettándu útgreiðsluna í sjóðum 1A og 11A og fimmtándu útgreiðsluna í sjóðum 1B og 11B fyrir þá sem völdu þá leið í janúar 2009. Þeir sem völdu leið 1B og 11B í september 2009 eru að fá fjórtándu útgreiðsluna. Sjóðsfélagar í Fyrirtækjasjóði Byr eru að fá sína elleftu útgreiðslu.

Útgreiðslan verður lögð inn á bankareikninga sjóðfélaga.

Vegna útgreiðslunnar bjóðum við sjóðfélögum í ofangreindum sjóðum að ávaxta sparifé sitt í sjóðum Íslandssjóða með 50% afslætti af upphafskostnaði. Tilboð þetta gildir til og með 31. júlí nk. hjá ráðgjöfum Verðbréfa- og lífeyrisþjónustu Íslandsbanka, í síma 440-4900.

Við hvetjum sjóðfélaga til að hafa samband við ráðgjafa Verðbréfa- og lífeyrisþjónustu Íslandsbanka, í síma 440-4900 eða á netfangið verdbref@islandsbanki.is til að fá frekari upplýsingar.


Til baka