Fréttir Greiningar
Langmest velta með bréf Icelandair
19.09.2013 11:30
Umfang viðskipta með hlutabréf er mjög misjöfn milli félaga sem skráð eru á Aðallista Kauphallarinnar. Velta með hlutabréf Icelandair það sem af er árinu nemur um 28% af heildarveltu í Kauphöllinni. Veltan er samtala hlutabréfaveltu allra félaga á Aðallistanum að færeysku félögunum og Nýherja undanskildum. Velta með þau er óverulegur hluti af heildarveltunni á markaðinum. Velta með bréf Icelandair frá júlí hefur aukist mjög mikið og í ágúst var Hún um 32% af heildarveltunni á markaðinum. Það sem af er september mánuði nemur hlutfallið um 43%.
Næsta mesta velta var með Eimskip það sem af er ári. Fjögur stærstu félögin mynda 68% af veltu ársins 2013. Minnst voru viðskiptin með Össur en þau voru einungis 2% af heildarveltu félaga á Aðallistanum það sem af er ári. Því er ljóst að skipting veltu milli félaganna er æði misjöfn.
Við mat á umfangi viðskipta verður líka að horfa til markaðsvirðis hlutafjár viðkomandi félags. Taflan til hliðar sýnir veltu með hlutabréf hvers félags í hlutfalli af meðalstöðu markaðsvirðis hlutfjárins í hverjum mánuði. Við þá skoðun breytist aðeins ásýndin þótt Icelandair sé einnig í efst sæti í september.
Mörg gild í töflunni er mjög há og hefur það ýmsar skýringar. Til Til dæmis seldi Landsbankinn eftirstandandi hlut sinn í Reginn í júní mánuði sl. og viðskipti með það félag í hlutfalli af meðalstöðu virðis eiginfjár nam því 32% í þeim mánuði. Hlutfallið var einnig mjög hátt fyrir VIS í maí mánuði enda fór félagið á markað við sölu Klakka á hluta af sínum eignarhluta í félaginu.
Töluverð sveifla getur verið innan hvers mánaðar í þessum hlutföllum. Ef Marel er skoðað í þessu samhengi þá sést að hlutfallið fyrir tímabilið september 2012 til dagsins í dag er nokkuð stöðug, meðan hlutfall Icelandair og Eimskip sveiflast mun meira.